Os obxectivos da sostibilidade social nas explotacións agrarias poden afrontarse dende dous ámbitos:
Ámbito privado (acción individual i/ou colectiva): No que os obxectivos serán asegurar o benestar individual e familiar a través dalgunhas das seguintes estratexias:
Aumento dos niveis de formación
Mellora das condicións de traballo nas explotacións agrarias
Trazabilidade das producións agrarias e control da calidade
Ámbito público (acción política dos poderes públicos): No que o obxectivo e manter a actividade agraria no territorio, asegurar o equilibrio e a cohesión territorial e asegurar o benestar presente e futuro da poboación rural. Algunha das estratexias contempladas para a consecución dos citados obxectivos son as seguintes:
Reversión do proceso de despoboamento rural
Extensión da banda ancha das comunicacións
Fortalecemento da rede eléctrica
Redución da fenda rural/urbano en canto ós servizos públicos
Control do cumprimento da normativa laboral nas explotacións agrarias
Impulso do relevo xeracional con programas integrais (económicos, educativos, fiscais, xurídicos...)
Apoio á incorporación da muller á actividade agraria e á titularidade das explotacións.