No ano 2020 confinouse a media humanidade e os profesionais da agricultura e gandería convertéronse en esencias no proceso de subministro de alimentos básicos.

​

Unha pandemia, unha guerra e unha inflación galopante fixeron que os fertilizantes, os pensos de alimentación animal, os carburantes, a enerxía, e os fitosanitarios, etc. alcanzaran incrementos de prezos que non retroceden no 2023. A subida do prezo nas materias primas, especialmente a soia, colza e millo, está impactando directamente na economía das ganderías de vacún de leite, sobre todo cando non poden trasladar ese incremento dos costes ao prezo de venda dos seus produtos.

​

Segundo varios estudos unha das principais debilidades da produción de leite en Galicia é a dependencia do concentrado. Así, en España estase utilizando entre un 30 e un 40% mais de penso que países do noso entorno con producións similares. O sector agrario galego precisa mais superficie para poder alimentar á cabana gandeira do país a un custo razoable.

 

É por elo que Galicia necesita utilizar eficientemente os seus recursos propios para ter custes competitivos en calquera sistema de produción de leite. Os sistemas mais intensivos poden facer un alto uso de forraxes, prados e millo principalmente, con un baixo nivel de compra de suplementos, racionalizando o uso de concentrado na explotación.

​

Ata o de agora, o investimento dos gandeiros centrouse na adquisición de equipamento, maquinaria e tecnoloxía para as súas explotacións gandeiras. Con todo, descoidouse un aspecto crucial para a modernización e a eficiencia: o desenvolvemento de enxeñería de xestión dos recursos da explotación. É fundamental recoñecer que a optimización dos recursos, como a provisión de insumos, é vital para lograr unha produción láctea rendible e sostible a longo prazo.

​

Con Sitema Avanzado de Acopio, estamos a abrir un novo horizonte ao poñer énfase nesta área descoidada e ofrecer unha solución integral que permita aos gandeiros maximizar a utilización dos seus recursos a través dun revolucionario sistema para o acopio deseñado especificamente para explotacións gandeiras de leite. Un innovador software que combina tecnoloxías de vangarda con “business Intelligence”, para optimizar a provisión e potenciar a eficiencia na produción.

​

Sistema Avanzado de Acopio é unha ferramenta intelixente que calcula con precisión a cantidade de forraxe, pensos, fitosanitarios, fertilizantes, e insumos necesarios, para garantir unha produción láctea eficiente na explotación durante todo o ano. Coa ferramenta, os gandeiros terán acceso a un sistema baseado en datos, que toma en conta factores como o número de cabezas de gando, a localización e a climatoloxía, entre outros, brindando un plan anual de provisión personalizada, reducindo así o malgasto de alimentos.

​

Ao calcular e planificar de maneira precisa as necesidades de provisión reducirase a pegada ambiental contribuíndo á adaptación ó cambio climático, e ao desenvolvemento sustentable e a xestión eficiente dos recursos. Mellorará a resposta do sector agrícola ás esixencias sociais en materia de alimentación e saúde, xa que fará un uso mais esixente das materias primas, reducindo así o desperdicio alimentario e obtendo unha produción de leite mais sustentable.

​

Este proxecto nace coa ambición da creación dunha nova era na produción láctea. A revolución Sistema Avanzado de Acopio pode transformar as explotación gandeiras de leite, brindando o apoio necesario para alcanzar o éxito nun mercado competitivo e en constante evolución.