O Futuro das Explotación Gandeiras, Xestión Dixital e Enerxía Intelixente: Un novo modelo gandeiro: sostibilidade, innovación e futuro

30/12/2025

A execución do proxecto “O futuro das explotacións gandeiras” pecha o ano 2025 con resultados moi positivos, demostrando o potencial da dixitalización e da eficiencia enerxética para mellorar o rendemento e a sostibilidade das granxas galegas. As accións realizadas durante estes meses serviron para consolidar un modelo de traballo baseado na innovación, a colaboración e o compromiso ambiental.

Ao longo do proxecto, decenas de gandeiros e gandeiras participaron nos cursos e accións de asesoramento, aprendendo a empregar novas ferramentas dixitais, a analizar consumos e a implementar sistemas intelixentes nas súas explotacións. Tamén se detectaron casos de éxito que servirán de exemplo para futuras edicións, demostrando que o cambio tecnolóxico é posible cando vai acompañado de formación e apoio técnico.

A resposta foi moi positiva, confirmando a necesidade de seguir avanzando cara un modelo produtivo máis eficiente e respectuoso co medio ambiente. ULEGA e a Deputación de Pontevedra continúan a traballar conxuntamente para consolidar este proceso de modernización, apostando por un rural galego sostible, tecnolóxico e cheo de oportunidades para as novas xeracións.

Co remate do proxecto “O futuro das explotacións gandeiras: Xestión Dixital e Enerxía Intelixente”, ULEGA reafirma o seu compromiso coa modernización do sector e coa aposta por un rural galego vivo, sostible e tecnoloxicamente preparado. As accións formativas e o asesoramento prestado demostraron que a dixitalización non é un reto inalcanzable, senón unha oportunidade real para mellorar a eficiencia, reducir custos e dignificar o traballo gandeiro.

Os resultados acadados marcan só o inicio dun camiño que continuará medrando nos vindeiros anos. Desde ULEGA seguiremos acompañando ás explotacións na súa evolución, promovendo novas iniciativas que integren innovación, eficiencia enerxética e sustentabilidade ambiental, co obxectivo de asegurar un futuro sólido e próspero para o sector gandeiro galego.

Para inscribirse nestes cursos de formación ou obter mais información, pode contactarnos a través do correo electrónico oplulega@gmail.com ou chamando ao número 981 52 43 29.