O Futuro das Explotación Gandeiras, Xestión Dixital e Enerxía Intelixente: Competencias dixitais no rural: formar para transformar

28/11/2025

A capacitación dixital converteuse nunha necesidade estratéxica para o futuro do rural galego. O acceso á información e á tecnoloxía permite que as persoas gandeiras xestionen de maneira autónoma as súas explotacións, melloren a eficiencia e participen activamente na innovación do sector. Sen competencias dixitais, é imposible aproveitar todo o potencial das novas ferramentas de xestión agraria.

O programa “O futuro das explotacións gandeiras” dedica esta cuarta liña de traballo á formación en competencias dixitais, adaptada a distintos niveis de experiencia e realidade territorial. Os cursos permitirán adquirir habilidades no uso de aplicacións de xestión, plataformas online, ferramentas de seguimento e canles de comercialización dixital. Tamén se abordarán cuestións prácticas como a seguridade na rede, a protección de datos e o uso responsable das novas tecnoloxías.

Con este enfoque, preténdese reducir a fenda dixital e promover unha nova xeración de gandeiros e gandeiras máis conectados, preparados para liderar a transformación tecnolóxica e sostible do sector. A modernización rural non pasa só polas máquinas e sensores, senón tamén pola formación das persoas que están detrás de cada proxecto produtivo.

A Unión Leiteira Galega (ULEGA), en colaboración coa Deputación de Pontevedra, aposta por impulsar a modernización do sector gandeiro a través da formación, a innovación e a dixitalización. O proxecto “O futuro das explotacións gandeiras: Xestión Dixital e Enerxía Intelixente” inclúe cursos online, asesoramento técnico e accións divulgativas dirixidas a mellorar a eficiencia produtiva, o aforro enerxético e a sustentabilidade das explotacións da provincia de Pontevedra.

A través destas actividades, búscase que gandeiros e gandeiras dispoñan das ferramentas necesarias para facer das súas granxas espazos máis modernos, competitivos e respectuosos co medio ambiente. ULEGA continúa así o seu compromiso cun rural galego preparado para os desafíos do futuro, combinando coñecemento, tecnoloxía e sostibilidade nun mesmo camiño.

Para inscribirse nestes cursos de formación ou obter mais información, pode contactarnos a través do correo electrónico oplulega@gmail.com ou chamando ao número 981 52 43 29.