O Futuro das Explotación Gandeiras, Xestión Dixital e Enerxía Intelixente: Planificar para avanzar: Planificación, dixitalización e mellora da xestión nas explotacións gandeiras

30/10/2025

A organización e a planificación eficiente son hoxe dous piares fundamentais para garantir a viabilidade das explotacións gandeiras. A complexidade crecente da actividade, a falta de tempo dispoñible e a necesidade de adaptarse a cambios produtivos, económicos e normativos fan imprescindible avanzar cara a unha xestión máis estruturada. Planificar mellor significa ordenar o traballo diario, reducir a improvisación e mellorar a toma de decisións, incidindo directamente na eficiencia, na sustentabilidade e na calidade de vida nas granxas familiares galegas.

Neste contexto, o curso “O futuro das explotacións gandeiras: Xestión Dixital e Enerxía Intelixente”, impulsado pola Unión Leiteira Galega (ULEGA) coa colaboración da Deputación de Pontevedra, ofrece unha formación orientada a mellorar a xestión integral das explotacións. Dentro de este curso, hai unha sección específica que aborda a planificación operativa, a organización produtiva e a distribución racional do tempo como elementos clave para facer fronte á sobrecarga de tarefas, á falta de man de obra e á complexidade crecente dos procesos produtivos.

Ao longo dos distintos módulos trabállanse contidos prácticos relacionados coa identificación e priorización de tarefas, o uso de ferramentas dixitais para a planificación e o control da actividade, a xestión de rexistros e a comunicación interna, así como a aplicación de sistemas de apoio á toma de decisións baseados en datos produtivos e ambientais. Ademais, analízanse os fluxos de traballo nas explotacións, a detección de puntos críticos, o mantemento preventivo e a coordinación do persoal como elementos clave para mellorar a eficiencia e previr incidencias.

O curso complétase coa incorporación de boas prácticas de xestión adaptadas ás granxas familiares galegas, abordando aspectos económicos, ambientais e sociais, así como coa elaboración dunha práctica final centrada na planificación integrada da actividade. Esta aproximación permite trasladar os coñecementos adquiridos á realidade diaria das explotacións, reforzando unha cultura de organización, seguimento e mellora continua.

Para inscribirse nestes cursos de formación ou obter mais información, pode contactarnos a través do correo electrónico oplulega@gmail.com ou chamando ao número 981 52 43 29.